الاثنين، 5 مايو، 2008

ما هي المعايير التى يمكن ان نقيس عليها نجاح الاضراب؟

التغطية الاعلامية : اكيد نجحنا
=================
الاضراب يحتل الخبر الأول بنشرات BBC , الجزيره
استنفار أمني بمصر تحسبا لدعوات الإضراب السلمي
دعوة للاضراب في مصر اليوم
مبارك يحتفل بعيد ميلاده الـ80 بين دعوة للاضراب وتنافس حكومي على مدحه
المحلة تتحول إلي «ثكنة عسكرية» لإجهاض محاولة إضراب اليوم
ده غير المقالات الكثيره عننا طوال الشهر الماضى.
حتى كل المقالات اللي هاجمتنا ده نجاح لينا
رؤساء الأحزاب وأساتذة الجامعات ورجل الشارع:لا للإضراب
ده غير البرامج الكثيره عننا طوال الشهر الماضى
هل كثافه الاضراب هى اهم حاجه؟
============================
كثافه الاضراب مهمه بس لو احنا وصلنا مثلا ل 2 مليون مصري واقتنعوا. تفتكروا ده هيبان جامد دي القاهرة لوحدها حوالي 20 مليون. الاكيد ان الناس معظمها عرف و ده في حد ذاته انجاز
باقى الحاجات اللي انا شايفها بتدل على نجاحنا
=========================
اشتراك الاردن معانا ده انجاز كبير للى مش واخد باله
رد فعل الحكومة بياكد انهم خايفيين منا
تهديد رسمى لكل من يغيب عن عملة وتوعده بالإعتقال من جانب الحكومة
اعلان الزيادة 30 % وهى اول مرة فى مصر
وقوف حركة كفايه والاخوان معانا وحزب الغد بداية كويسة بس ما تدوش فرصه للي بيصتاد في المياه العكره وبيحاول يطبق مبدا فرق تسد
في حاجه كمان مهمه انا فعلا اتعلمت حاجات كتير من الناس اللي في الجروب وفرحت ان لسه فى ناس بتحب مصر كده يا ريت ما حدش يزهق او يكبر .الطريق لسه طويل . اهم حاجه ما يبقاش موضوع الاضرابات ده لعبة كل شوية نحدد معاد.علشان الموضوع ما يموتش عايزين افكار جديده.وما ضاع حق وراءه مطالب
Ahmed Abdel Hamid wrote
خلينا نبص على الملامح العامة قبل ما نطلق احكام بالسقوط او النجاح النهارده
بلدى بلد بسيط بنى سويف رحنا المصالح الحكومية النهارده وشوفت الى حصل كل الناس بتتكلم التاكسى الميكروباص الكل بيتكلم لاول مرة الناس بتقول اية الى بيحصل فى البلد اضارب اية ؟؟ ولية ؟؟ ما الزيت رخيص خالص حتى بقى ببلاش وال30% الزياده هتزبطنا طعمية لان السندوتش بقى ب 1 وعيش شامى مش بلدى كبير زى زمان
الموصلات بقت سهلة المهم سيبك من كل ده ننزل على الموظفين انا قاعد كل الموظفين موجدين بطريقة ملفتة للنظر الكل موجود الى حتى رايح خط سير برة ممنوع
يسال ريسة يقلة امن الدولة موجوده وممنوع حد يمشى او حتى يغيب والكل ممنوع يزوغ ندخل على شارع عربيات البوكس وقوات مكافحة الشغب فى كل ميدان وكل الشوراع الرئيسة ظباط امن الدولة من الفجر فى مكاتبهم تقولى عرفت ازاى اقولة جيرانى !!!
الناس فى المكاتب والشوارع بتتريق ويقولوا يا رب يمد فى عمر الريس 100 سنة كمان
الاهرام دعى اليوم الى جعلة يوم العمل للوطن واسمع احلى افيهات من الجرائد الرسمية الأهرام الرسمية،
مقال اليوم الأحد بعنوان: "يوم أن ولدت مصر.. من جديد"
أخبار اليوم" الرسمية، مقال أمس السبت بعنوان: "ليه بنحبك يا ريس".
"الجمهورية" الرسمية، مقال اليوم الأحد بعنوان: "بطل العدالة الاجتماعيةما شاء الله والله بيقولوا شعر الله اكبر بجد
بعد كل ده وتقولى الاضراب سقط ؟؟؟وماذا كان هدف الاضراب سقوط الحكومة لا مش على طول خبط لزق كده لازم يكون فى تمهيد وبجد بدانا وهنوصل لو استمرينا هما خايفين ولاول مرة من حياتنا كلها يخافوا عمرهم ما خافوا من مظهرات الاخوان ولا حتى الصحف وكلمها لكن لاول مرة عربيات الامن المركزى على اهبة الاستعداد فى كل الشوارع فى الميدين ممنوع غياب الموظفين الناس كلها بتتكلم الناس بدأ تعرف الريس ولاول مرة فى تاريخة من 28 سنة يرفع المرتبات 30% بجد انتصار ويقول العمال فى اعيننا من امته ؟؟؟"كل ده وتقولوا منتصرناش ؟؟الحرب مجموعة من المعارك احنا خوضنا اول الطريق وان شاء الله نكملة خليكوا رجالة الصبر حلو
. محمد حبيب
كتب- أحمد رمضان
أكد د. محمد السيد حبيب النائب الأول للمرشد العام للإخوان المسلمين أن الاحتجاج السلمي في 4 مايو قد نجح بكل المقاييس، وأوضح لـ(إخوان أون لاين) عدة نقاط مهمة بشأن هذا الاحتجاج؛ هي:
أولاً: الاحتجاج السلمي وسيلة وليس غاية، وهو عبارة عن محاولة ممارسة الضغط على السلطة التنفيذية للحدِّ من الفساد والاستبداد من ناحية ولتغيير السياسات الاقتصادية والاجتماعية التي أدت إلى الأزمات الخانقة التي يعاني منها المواطن المصري من ناحية أخرى.
ثانيًا: الظروف التي سبقت احتجاج 6 أبريل غير التي سبقت احتجاج 4 مايو؛ إذ قبل 4 مايو سارعت السلطة التنفيذية إلى اتخاذ مجموعة من الإجراءات؛ في محاولةٍ منها لإجهاض احتجاج 4 مايو؛ مثال ذلك علاوة الـ30%، والخطاب الرقيق لرئيس الجمهورية في عيد العمال، وتراجع أزمة الخبز والإفراج عن بعض المعتقلين، وتعامل الداخلية بشيء من النضج مع الحدث، وهذا في حدِّ ذاته يعدُّ بكل المقاييس نجاحًا لاحتجاج 4 مايو

Yes it was not as we hoped for, But the day was different for sure, I mean it was not like any other sunday. It is just a step in the way. and we did gain a good media coverage that showed why we are saying no to the government.
?? imagine without the 6 April and 4 May what would have happened
This was on Alahram news headline on: 9 August 2007
2007اغسطس 9
مبارك يطالب الحكومة بضبط الأسواقوإعطاء الأولوية القصوي لحماية محدودي الدخل
الرئيس‏:‏ أي زيادة في الأسعار ينبغي ألا تلتهم العلاوة الاجتماعية
في اجتماع وزاري موسع استمر ثلاث ساعات‏:‏مخزون القمح يكفي ستة أشهر وخمس دول تتسابق علي توريده
زيادة منحة الضمان الاجتماعي للطلبة إلي‏40‏ جنيها شهريابحد أقصي خمسة أبناء للأسرة
في توجيهات واضحة وقوية‏,‏ شدد الرئيس حسني مبارك علي ضرورة ضبط الأسواق‏,‏ وأكد أن أي زيادة ينبغي ألا تلتهم العلاوة الاجتماعية‏,‏ مع إعطاء الأولوية القصوي لحماية محدودي الدخل‏.‏وخلال رئاسته أمس لاجتماع وزاري موسع استمر ثلاث ساعات‏,‏ أكد الرئيس مبارك ضرورة تواصل الوزراء مع المشكلات وقضايا الرأي العام من خلال الاتصال المباشر مع الجماهير‏,‏ ومن خلال قنوات الإعلام القومية والمستقلة والمعارضة‏,‏ مشددا علي ضرورة التقويم المتواصل والمتابعة الدقيقة لأداء الحكومة ومسئولية الوزراء في توضيح الصورة كاملة لما يتم تحقيقه من إنجازات‏,‏ وهي إنجازات كثيرة‏,‏ وكذلك ضرورة توضيح ما يتم مواجهته من مشكلات‏
This means the problems was the same more than 8 months ago, so it was us saying no that made a difference and pushed the government to some more effective decisions.It is not enough and we will not stop. All of us hoped for much more success today, but let us not think that we failed and did nothing and get depressed about it. 4 may is only a step on a long way. now we should think how we can achieve the rest of our goals.

ليست هناك تعليقات: