Ahmd Mokhles wrote
السلام عليكم ورحمة الله
في ظل الهيصة اللي الناس شغالة فيها وكل واحد طالع باقتراح واللي يقول مظاهرة واللي يقول مااعرفش ايه انا الاول هاشوف الاول ايه اللي حصل 4 مايو
1- 4 مايو اختلف الناس فيه هل فشل ام نجح فيه ناس قالت انه فشل عشان محدش عمل حاجة فيه والكل نزل الشارع عادي وفيه ناس قالت انه السبب في العلاوة وارعب الحكومة عموما انا اعتقد ان الاتنين صح وانه فشل في حاجة ونجح او نجحنا كلنا في حاجة
2- انجازتنا كبيرة وهي ان الناس اتجمعت ان فيه ناس بدأت تحاول تشوف حل ناس مش عاجبها الوضع ناس عرفت انها مش لوحدها ومازالت الفوائد تتوالى 3- عن نفسي استفدت من 4 مايو فوائد اكتر من اللي استفدتها من 6 ابريل عامل كده زي معركة بدر هههههههه 4 مايو عامل كده زي معركة احد مع الفارق يعني بس فيها فوائد وفيه تفسير لنجاح 6 ابريل اللي ماكنتش صورته هتوضح الا ب 4 مايو
3- من ضمن الفوائد دي ان الناس بتخاف ولازم تراعي قدرة الناس مهما ضعفت
4- قوتنا مش بس اضرابات لازم حاجات تانية هاقولها في المشاركة الجاية
5- ياريت نقعد كده ونشوف الخسائر والمكاسب ونهدى الكل كده يهدي نفسه ويشوف ايه المناسب بدل التسرع والحماس الزائد والغير واقعي ولا منطقي ومجرد شغل للوقت والكلام
6
- الناس اللي كانت فاكرة انها هتغير في يوم وليلة وبعد كده احبطت وعاوزة تمشي المشواار طويل ولازم الكل يأقلم نفسه على كده وخير الاعمال ادومها وان قل الحكاية هتستمر لسنيين مش يومين وخلااص وبالتالي نظم وقتك ونفسك
7- المحافظة على هذا الكياان الجميل واستغلاله صح اهم بكتيير من الجري ومن اننا نعمل اي حاجة وخلاص وهي اصعب من انشائه لازم نحاول نحافظ عليه ومع كده مانهاجمش كل اللي عاوز يعمل جروب ده البيت الاصلي والباقي مزيد من التنظيم على ان يستمر التواصل ويكون هنا الاسااس
8- التكبير الزائد والعبارات الرنانة وانتخابات ومااعرفش ايه كل ده مالوش لزمة ركزوا احنا عاوزين نبتكر وعاوزين حلول وعاوزين نطور البلد وعاوزين نفرض رأينا على الحكومة وناخد حق الغلابة اللي احنا منهم
9- بلاش مهاجمة حتى للجواسييس مادام مفييش حاجة خطيرة قول كلمة ونص ونبه في كلمتين وخلاص او اسكت لو حاجة مش خطيرة
10 - ليس من اسباب فشل 4 مايو لخبطة الجروب ولا النت وانما اكبر من ذلك المشكلة فيها اسباب منها ضيق الوقت تنبه الحكومة وخاصة الداخلية وماخوفتش الناس والناس اللي حركهم في المرتين الخوف وليس اكثر
العلاوة 30 % وده اللي انا قلته ان لما يبقى هدفك غير محدد في لحظة هيروح مطيرهولك ولازم الشعب كله يبقى مؤمن بالهدف ده وهنا تكمن الصعوبة عمال المحلة لم يشاركوا ولا يوجد اي مظهر وبالتالي الناس مخافتش من اي مصادمات وبالتالي نزلوا الشارع زائد التنبيهات زائد ان الشعب غلبان وطيب وهيتأذي ومحدش هينفعه وهو شعب متفرج عمره ماعمل حاجة ولا هيعمل قاااعدة حطوها في ودانكم حتى لو اراد فهو اضعف من انه يغير استفيدوا من اخطاء السابقين
كفاية كده سلااام
المشاركات
ليست هناك تعليقات:
إرسال تعليق