السبت، 10 مايو، 2008

يا حكومة «الخنصرة» ربنا ما يحكمكم في اليتامي والأرامل وأصحاب المعاشات


عندما أعلن الرئيس مبارك قرار العلاوة فرح كل المصريين، ولكن أكثر مَنْ فرح هم أصحاب المعاشات، ذلك لأن دخلهم محدود والأهم أن صحتهم محدودة، فهم لا يقدرون علي ممارسة عمل إضافي لزيادة الدخل، وليس لهم فرص في سفريات الخليج بحكم السن والصحة، ولكنهم فوجئوا بالعلاوة التي أقرها الرئيس تتحول بقدرة قادر من علاوة ٣٠% بدون حد أقصي إلي ٢٠% بحد أقصي ١٠٠ جنيه، سبحان الله!! شيء في منتهي الغرابة والعجب، هيا دي بقي العدالة الاجتماعية اللي خاوتنا بيها؟!.
هيا دي حكومة محدودي الدخل؟! بتيجي علي أضعف شريحة في المجتمع وتقص من قوتهم وقوت عيالهم وتقتل فرحتهم بسكينة «تلمة»، وزودت أسعار كل حاجة، هل استثنت أصحاب المعاشات منها، هل أصحاب المعاشات لما ييجوا يمونوا عربياتهم الـ ١٢٧ والـ ١٢٨ اللي طلعان عينها، واللي رحماهم من بهدلة المواصلات هيدفعوا ١٥٠ قرش بدل ١٧٥ والله العظيم دي حاجة مسخرة ياخدوا علاوة ٢٠% والحكومة تزود لهم الأسعار علشان تلم منهم ٣٠%، وربنا ما يحكم مسؤولينا في يتامي ولا أرامل ولا أصحاب معاشات.
م. أحمد عبدالغني

ليست هناك تعليقات: