الكلام ده عشان نعرف ان الحزب الحاكم مش اهبل , وبيتعلم من اخطاؤه , وبيتعامل بذكاء شديد وخبث مع المعارضة
وعشان المعارضة كمان تتعلم من اخطاءها
والمقصود باعلام الحزب الحاكم , الاعلام الرسمي و كل وسائل الاعلام المملوكة لاعضاء الحزب الوطني , طبعا معروف هما مين
كان واضح جدا ان في تعليمات لوسائل الاعلام عن طريقة تناولها للخبر
واللي أكد كده , التزام ن كل برامج ما يسمى (التوك شو) بالتعليمات وطريقة التعامل
قبل 6 ابريل
كان واضح ان في تعليمات ان الاعلام ما يتكلمش عن الموضوع ابدا , ويبقا في تعتيم تام على الموضوع
على عكس 2008 , كانو بيتكلمو عن الخبر ويحاولو يقنعو الناس انها حاجة غلط
ولكن قبل الاضراب بيوم او يومين , وبعد ان وصلت اخبار الاضراب الى كل الوسائل الاخبارية والاعلامية خارج مصر , وفي جرايد المعارضة
ما كانش ينفع انهم ما يتكلموش في الموضوع, يعني مجبرا اخاك لا بطل
كل برامج ما يسمى (التوك شو) اتكلمت عن 6 ابريل قبلها بيوم واحد , سبحان الله , كل القنوات ما سمعتش عنه الا قبلها بيوم
وبما ان البرامج دي برامج الراي والراي الاخر .. طبعا , كان لازم يجيبو راي مؤيد وراي معارض ل 6 ابريل , ودور المذيع هو توجيه الراي العام للراي المعارض لـ 6 ابريل
زي ماشفنا
*** الاهم هو طريقة اعلان الخبر ***
كان في نقطتين مهمين لازم تلتزم بيها كل هذه البرامج , وقد التزموا, النقطتين هما :
- اولا ..., الدعوة من شباب 6 ابريل , مع التأكيد على بعض كلمات مثل , الفيس بوك , والعالم الافتراضي , والفضاء الخارجي , وما الى ذلك
وتجاهل دعوات القوى الوطنية الاخرى , وائتلاف المصريين من اجل التغيير اللي بيضم 250 شخصية من اهم العقول واخلص وانظف الشخصيات المصرية
- ثانيا ..., الحدث يا جماعة اسمه اضراب , ولازم يقوللك زي السنة للي فاتت , ويجيبلك صورتين تلاتة من احداث المحلة
وممنوع حد يتكلم عن اي كلمة زي "يوم الغضب" و "الاحتجاج العام" , مع ان اسم الجروب كان يم الغضب والاضراب , وكل القوى الوطنية والجرايد المعارضة كانت بتقول يوم الغضب
وقرينا مقالات كتير لناس بتتكلم عن انه حينجح كيوم غضب اكتر من اي حاجة تانية
بعد 6 ابريل:
تغطية واسعة جدا , لان كااااااااااااااااان في دعوة للاضراب , لا يا شيخ !
وكل مصر عرفت في اليوم ده ان كان في دعوة "للاضراب برضو" مش اي حاجة تانية
**كمان كللهم فجأة اكتشفو ان الدعوة ما كانتش من شباب 6 ابريل بس
دي كانت من كل القوى المعارضة اللي في الدنيا , بما فيهم الاخوان ,
وده بياكد ان المعارضة كللها فاشلة وما حدش مقتنع بيها , وان الشعب كلله مصطف وراء القياة الحكيمة للحزب الوطني , اللي بقالهم 30 سنة بيضحو بنفسهم عشان مصر
!!
** وبدأو يقولو كلام اقل ما يقال عنه انه "قلة ادب" بان الناس دي (المعارضة) استغلت شوية الشباب البايظ (اللي هما 6 ابريل) عشان يحققو مصالحهم الخاصة ( اللي هيا الانقلاب على نظام الحكم)
- اولا ..., الدعوة من شباب 6 ابريل , مع التأكيد على بعض كلمات مثل , الفيس بوك , والعالم الافتراضي , والفضاء الخارجي , وما الى ذلك
وتجاهل دعوات القوى الوطنية الاخرى , وائتلاف المصريين من اجل التغيير اللي بيضم 250 شخصية من اهم العقول واخلص وانظف الشخصيات المصرية
- ثانيا ..., الحدث يا جماعة اسمه اضراب , ولازم يقوللك زي السنة للي فاتت , ويجيبلك صورتين تلاتة من احداث المحلة
وممنوع حد يتكلم عن اي كلمة زي "يوم الغضب" و "الاحتجاج العام" , مع ان اسم الجروب كان يم الغضب والاضراب , وكل القوى الوطنية والجرايد المعارضة كانت بتقول يوم الغضب
وقرينا مقالات كتير لناس بتتكلم عن انه حينجح كيوم غضب اكتر من اي حاجة تانية
بعد 6 ابريل:
تغطية واسعة جدا , لان كااااااااااااااااان في دعوة للاضراب , لا يا شيخ !
وكل مصر عرفت في اليوم ده ان كان في دعوة "للاضراب برضو" مش اي حاجة تانية
**كمان كللهم فجأة اكتشفو ان الدعوة ما كانتش من شباب 6 ابريل بس
دي كانت من كل القوى المعارضة اللي في الدنيا , بما فيهم الاخوان ,
وده بياكد ان المعارضة كللها فاشلة وما حدش مقتنع بيها , وان الشعب كلله مصطف وراء القياة الحكيمة للحزب الوطني , اللي بقالهم 30 سنة بيضحو بنفسهم عشان مصر
!!
** وبدأو يقولو كلام اقل ما يقال عنه انه "قلة ادب" بان الناس دي (المعارضة) استغلت شوية الشباب البايظ (اللي هما 6 ابريل) عشان يحققو مصالحهم الخاصة ( اللي هيا الانقلاب على نظام الحكم)
الكارثة الكبيرة
ان الناس طبعا مش كللهم على الانترنت
وقليل اللي بيقرا جرايد
والمعارضة ما عندهاش اعلام بقوة التلفزين
وطبعا ناس كتير صدقت ,
-
ايه الحل ؟
بصراحة لحد دلوقتي مش عارف
بس لازم يبقا في حل , ويبقا في اتحاد وتنسيق اكتر
ليست هناك تعليقات:
إرسال تعليق