الأحد، 11 يناير، 2009

مظاهرات منددة بالحرب الإسرائيلية على غزة فى لندن.مائة الف متظاهر .السبت 10 يناير 2009


اكيد سمعتوا عن المظاهرات فى مدن اوروبية كثيرة وربنا يسر ليا الحمد لله انى احضر مظاهرة لندن .
وكان فى مظاهرة ايضا السبت الماضى لكن اليوم كان اضعاف عدد المظاهرة الاولى
فى حاجات كثيرة نفسى احكيها من اللى شفته النهاردة
باختصار المظاهرة بدات من
Speakers corner in Hyde Park
اعداد مهولة المعظم بريطانيين مع وجود عربى مسلميين ومسيحيين ويهود ..
ايوا يهود وطلعوا اتكلموا وهاجموا اسرائيل
ناس مختلفة اتكلمت وكان فى اجماع على ان ما ترتكبه اسرائيل جريمة ضد الانسانية وكثيريين اعلنوا بصراحة مساندتهم للمقاومةوكمان كثيريين هاجموا القيادات العربية المتخاذلة وبالاخص مبارك وقالوا كلام اشد من اللى قاله حسن نصر الله ودول انجليز ومش مسلميين اصلا يعنى مش موضوع شيعة وسنة ولا تبع ايران
اكثر حاجة اثرت فيا لما بعض الاطفال البريطانيين قرائو حوالى 30 اسم من الاطفال اللى استشهدوا فى غزة .. بعد كدة بدات مسيرة ضخمة باتجاه سفارة اسرائيل مع هتافات لفلسطين وضد اسرائيل..
احلى حاجة ان كان فى اسر كاملة مشاركة معاهم اطفالهم جميع الاعمار دهشت لما شفت كبار فى السن من البريطانيين لا يقلوا عن 60 سنة وهم يسيرون معنا وبعض الامهات تدفع عربات اطفال ..
بجد حسيت بالفرق الشاسع بين مصر ولندن من ناحية الحرية
شوارع تم اغلاقها مخصصة للمسيرة
البوليس موجود لحماية المتظاهريين ومنع اعمال التخريب ..
سمعت بعد كدة ان حصلت مصادمات مع البعض الذين حاولوا اقتحام السفارة بس انا عن نفسى ما شفتش حاجة بس المسيرة كان طولها لا يقل عن ميل
تكلمت مع بعض اعضاء البوليس خلال اليوم وبجد كانوا محترميين جدا وقالوا لى انهم موجديين اساسا علشان البعض ممكن يستغلوا المظاهرات ودى ويقوموا بشغب وصراحة شفت كذا موقف وهما بيساعدوا بعض الناس بالذات السيدات والاطفال
بعد كدة وصلنا السفارة الاسرائيلية والناس عمالة تهتف
free free Palestine
free free Gaza
Israel is terrorist
Shame on you, have my shoe
وهتافات اخرى
وكثيرين قاموا بالقاء احذية وحاجات تانية على السفارة مع وجود امنى مشدد هناك عن اى مكان تانى
كملنا بعد كدة الى شارع ضخم وكان فيه شاشة عرض ضخمة ومسرح كبير وكثيرين من المؤيدين للقضية الفلسطينية ومطالبة لبريطانيا بسحب سفيرها من اسرائيل والضغط عليها اقتصادياوطلبوا من المتظاهريين مقاطعة البضائع الاسرائيلية وان يذهب كل منه الى اى مكان يبيع بضائع اسرائيلية ويعلنوا لادارته انهم ضد ده
وكمان ان يطلبوا من ممثليهم البرلمانيين الضغط على الحكومة كى يتحركوا لرفع الحصار وايقاف العدوان الاسرائيلى
وهاجم الكثيرين مبارك تانى ابرزهم جورج جالاوى مع المطالبة بفتح معبر رفح. وقال جورج جالاوى ان على الشعب المصرى العظيم ان يفتح المعبر ويقف امام الديكتاتور مبارك.
========================================
BBC Arabic:
ورفع المتظاهرون لافتات منددة بالحرب ورددوا هتافات تطالب بالحرية لفلسطين ووقف قتل الأطفال في غزة وطرد السفير الإسرائيلي من لندن وسحب السفير البريطاني من تل أبيب.وألقى بعض الشخصيات المعروفة كلمات في المتظاهرين، منهم الموسيقي برايان أينو ، وعمدة لندن السابق كين ليفينجستون, وأخت شيري بلير غير الشقيقة لورين بوث والمفكر طارق علي وعدد من الإعلاميين.
المظاهرات طالبت بالوقف الفوري للهجمات ضد غزةوطالب كين ليفينجستون الحكومة البريطانية والإتحاد الأوروبي باتخاذ خطوات حاسمة "لاجبار إسرائيل على وقف أعمال القتل"
========================================

ليست هناك تعليقات: